نوێنەرانی زانکۆکان خەڵات کران

نوێنەرانی گشتی کۆلێجی بەشێک لە زانکۆکان، لە بینای کۆمەڵەی خوێندکارانی کوردستان سوپاس و پێزانینیان ئاڕاستە کرا لە بەرامبەر خزمەت و بەدەنگەوە هاتنی كاروبارەكانی خوێندكاران لە زانكۆكانی خۆیاندا و ئەنجامدانی كاروچالاكییەكان لە ساڵی ڕابردوودا، دوای کۆبوونەوە و گوێگرتن لە داواکانیان، خەڵاتکران.

پێش نیوەڕۆی ڕۆژی (15/7/2025)، زۆرێک لە نوێنەری گشتی زانکۆکانی (سلێمانی، پۆلیتەكنیكی سلێمانی، هەڵەبجە، ڕاپەڕین، گەرمیان، چەرمۆ و پۆلیتەكنیكی گەرمیان) لە بینای کۆمەڵەی خوێندکارانی  کوردستان ئامادەبوون، وێڕای دەستخۆشی و سوپاس و پێزانین بۆ هەوڵ و ماندووبوونەکانی ئەو نوێنەرانە، بەڵێنی پشتگیر و هاوکارییان لەلایەن کۆمەڵەی خوێندکارانی کوردستانەوە پێدرا.

لەو کۆبوونەوەیەدا جەخت لە پاڵپشتیکردنی خوێندکاران و لە نزیکەوە گوێ بۆ داواکانیان کرایەوە، جگەلەوەش تێبینی و سەرنجەکانیان بە هەند وەردەگیران.

دوای کۆتاییهاتنی کۆبوونەوەکە كۆمەڵەی خوێندكارانی كوردستان بەڵێنی پێدان لە داهاتوودا پاڵپشتی سەرجەم خوێندكاران و نوێنەرایەتی خوێندكاران دەبێت، لەسەرجەم زانكۆ و پەیمانگەكانی كوردستاندا.