کۆمەڵەی خوێندکاران کۆرسی (نووسین و بڵاوکردنەوەی توێژینەوەی زانستی) دەکاتەوە

کۆمەڵەی خوێندکارانی کوردستان لە ئەنجامدانی کار و چالاکی و پرۆژەکانی بەردەوامە، بۆ ئەو مەبەستە کۆرسێکی تایبەت بە نووسین و توێژینەوەی زانستی دەکاتەوە، هەر خوێندکارێکیش لە هەر ئاستێکی خوێندندا بێت یان دەرچوو بێت دەتوانێت بەشداریی بکات.

وابڕیارە لە ئۆفیسی سەرەکی کۆمەڵەی خوێندکارانی کوردستان، کۆرسەکە بۆ ماوەی سێ ڕۆژ بەردەوام بێت (ڕۆژەکانی 21 و 22 و 23ی ئەم مانگە)، وانەی تایبەت بەو کۆرسانە لەلایەن پ.ی د.سوارە جەلال محەمەد مامۆستا لە زانکۆی سلێمانی، دەوترێتەوە.

بەشداریکردن لەم کۆرسانەی کۆمەڵەی خوێندکارانی کوردستان بەبێبەرانبەرە و فێرخواز ڕاستەوخۆ دوای کۆتاییهاتنی کۆرسی نووسین و بڵاوکردنەوەی توێژینەوەی زانستی، بڕوانامە وەردەگرێت.

بۆ پڕکردنەوەی فۆڕمی بەشداریکردن لە کۆرسی (نووسین و بڵاوکردنەوەی توێژینەوەی زانستی) کرتە لەم بەستەرە بکە (https://forms.gle/S63chC67ojzR61AD8)